سەریای عەمرۆ کوڕی عاص رضي الله عنه بۆ سواع، بتی هوزەیل

پێغەمبەری خوا ﷺ عەمرۆ کوڕی عاصی ناردە لای سواع بۆ ڕووخاندنی؛ سواع بتێکی گەلی نووح علیه السلام بوو، پاشان بوو بە هی خێڵی هوزەیلی موزەری؛ ئەم وەسەنە هەر وەستابوو هوزەیل دەیپەرست و ڕێزی لێ دەگرت، تەنانەت حەجیان بۆ دەکرد هەتا مەککە فەتح کرا و هوزەیل لەوانە بوون کە بە دەستە دەستە چوونە ئایینی خوا. شوێنەکەی لە ڕوحات بوو نزیکەی ١٥٠ کیلۆمەتر باکووری ڕۆژهەڵاتی مەککە؛ کاتێک عەمرۆ گەیشتە لای سادین پێی وت: دەتەوێت چی؟ وتی: پێغەمبەر ﷺ فەرمانی پێداوم بیڕووخێنم. وتی: ناتوانیت. وتی: بۆ؟ وتی: ڕێگری لێ دەکرێت. وتی: تا ئێستا لەسەر باطلیت؟ وەی لێت! ئایا دەبیستێت یان دەبینێت؟ پاشان نزیک بووەوە و شکاندی، و فەرمانی بە هاوەڵانی کرد ماڵی خەزنەکەی بڕووخێنن و شتیان تێدا نەدۆزیەوە؛ پاشان بە سادینی وت: چۆن بینی؟ وتی: ئیسلامم بۆ خوا هێنا.