سەریای خالید کوڕی وەلید رضي الله عنه بۆ بەنوو جەزیمە

کاتێک خالید کوڕی وەلید لە ڕووخاندنی عوززا گەڕایەوە، پێغەمبەر ﷺ ناردیە لای بەنوو جەزیمە وەک بانگکەر بۆ ئیسلام نەک جەنگاوەر؛ بە سێسەد و پەنجا پیاو لە موهاجیر و ئەنسار و بەنوو سولەیم دەرچوو؛ گەیشتە لایان و بانگی کردن بۆ ئیسلام؛ نەیانتوانی بڵێن ئیسلاممان هێنا، دەیانوت: سەبأنا، سەبأنا. — خالید وای لێ تێگەیشت گاڵتە بە ئیسلامە چونکە قوڕەیش بەوانەی ئیسلامیان دەهێنا دەوت سەبأ بۆ سووکایەتی —. خالید دەستیکرد بە کوشتن و دیلکردنیان، و هەر پیاوێکی لەگەڵی دیلێکی پێدا؛ ڕۆژێک فەرمانی کرد هەر پیاوێک دیلەکەی بکوژێت؛ ئیبن عومەر و هاوەڵانی ڕەتیان کردەوە هەتا گەیشتنە لای پێغەمبەر ﷺ و باسیان کرد؛ دەستی بەرز کردەوە و فەرمووی: «ئەی خوا، لەوەی خالید کردووە بۆت بێزارم» دووجار. بەنوو سولەیم ئەوانە بوون دیلەکانیان کوشت نەک موهاجیر و ئەنسار؛ پێغەمبەر ﷺ عەلی نارد و دیەی کوژراوان و ئەوەی لێیان چوو بوو پێ دان.