کۆچی یەکەم بۆ حەبەشە

ئوم سەلەمە رضي الله عنها وتی: کاتێک مەککە تەنگ بووەوە بەسەرماندا، و هاوەڵانی پێغەمبەری خوا ﷺ ئازار دران و فیتنە کران، و ئەوەیان بینی کە لە بەڵا و فیتنە لە ئایینەکەیاندا بەسەریاندا دێت، و پێغەمبەری خوا ﷺ ناتوانێت ئەوەیان لێ دوور بخاتەوە — لەکاتێکدا پێغەمبەری خوا ﷺ لە پاراستنی خێڵ و مامی دابوو و شتێکی ناخۆش وەک ئەوەی بەسەر هاوەڵانیدا دەهات ناگەیشتە — پێغەمبەری خوا ﷺ پێی فەرموون: لە خاکی حەبەشە پاشایەک هەیە ستەم ناکرێت لای، بڕۆنە وڵاتەکەی هەتا خوا دەروازە و دەرچەیەکتان بۆ دەکاتەوە لەوەی تێیدان. چووینە ئەوێ هەتا کۆبووینەوە تێیدا، لە باشترین ماڵ لای باشترین دراوسێ نیشتەجێ بووین، لەسەر ئایینەکەمان پارێزراوین و لە ستەمی نەترساین… وتراوە: دەرچوونیان بۆ حەبەشە لە مانگی ڕەجەب لە ساڵی پێنجەمی بەعثەی پێغەمبەرایەتی بوو. دوازدە پیاو و چوار ژن لە موسڵمانان کۆچیان کرد، لەوانە عوسمان کوڕی عەففان کە یەکەمین دەرچوو و هاوسەرەکەی ڕوقەییە کچی پێغەمبەری خوا ﷺ لەگەڵی بوو.